Sri Lanka Took Easy Then We Went: Azhar Ali
I Am Also Advised When Selecting A Team: Test Captain

سری لنکا کو آسان لیا تو ہم گئے: اظہر علی

ٹیم سلیکٹ کرتے وقت مجھ سے بھی رائے لی جاتی ہے:ٹیسٹ کپتان

راولپنڈی : ٹیسٹ کپتان اظہر علی کا کہنا ہے کہ سری لنکن ٹیم مشکل حریف ہے، جیت کیلئے بہت اچھی کرکٹ کھیلنی ہو گی۔قومی ٹیسٹ کرکٹ ٹیم کے کپتان اظہر علی نے راولپنڈی میں پریس کانفرنس کرتے ہوئے کہا کہ کرکٹ کا بہت بڑا ایونٹ ہے جس کے لیے سب بے تاب ہیںاور اس کا سارا کریڈٹ سری لنکن ٹیم کو جاتا ہے جو پاکستان آئی، سری لنکن کرکٹ بورڈ اور کھلاڑیوں کا شکریہ ادا کرتے ہیں،دنیا کے دیگر ممالک کی ٹیمیں بھی پاکستان آناچاہتی ہیں۔
کپتان نے کہا کہ سری لنکا کے خلاف ٹیسٹ سیریز کھیلنے کیلئے سارے کھلاڑی پر جوش ہیں۔ فارم کی بحالی کیلئے بھرپور کوشش کر رہا ہوں۔ہماری ٹیم میں اتحاد ہے اور ہم ایک خاندان ہیں۔ کسی کھلاڑی کا کسی سے بھی کوئی ذاتی اختلاف نہیں ہے۔انہوں نے کہا کہ کھلاڑیوں میں بہت ٹیلنٹ ہے، سیریز میں اچھے نتائج دیں گے۔ سری لنکن ٹیم ایک مشکل حریف ہے، جیتنے کیلئے ہمیں بہت اچھی کرکٹ کھیلنا ہو گی۔
ٹیسٹ ٹیم کے کپتان کا کہنا ہے کہ سلیکشن کمیٹی مشاورت کر کے ٹیم منتخب کرتی ہے۔ ٹیم سلیکٹ کرتے وقت مجھ سے بھی رائے لی جاتی ہے۔ موسم کی صورتحال پر بھی نظر رکھنا ہو گی۔ ٹیسٹ میچ میں بہتری لانے کی بھرپور کوش کریں گے۔                                                                                                                                                                              

تاریخ اشاعت : منگل 10 دسمبر 2019

Share On Whatsapp