ہنٹریونز کا تعلق امریکا سے ہے۔ انہیں فخر ہے کہ انہیں بلون گائے  کہہ کر پکارا جا رہا ہے۔ ہنٹر کا ہنر یہ ہے کہ وہ ایک منٹ میں اور ایک گھنٹے میں سب سے زیادہ غباروں میں منہ سے ہوا بھر سکتےہیں۔اپنی اسی صلاحیت کی بدولت ہنٹر نے گینیز بک آف ورلڈ ریکارڈ کے 2018 ایڈیشن میں اپنی جگہ بنائی ہے۔ ہنٹر کے پاس ایک منٹ میں اور ایک گھنٹے میں سب سے زیادہ غباروں میں ہوا بھرنےکے ریکارڈ ہیں۔

ہنٹر  نے ایک منٹ میں 18 غباروں میں ہوا بھر کر عالمی ریکارڈ بنایا ہے۔ ان کا دوسرا عالمی ریکارڈ ایک گھنٹے میں زیادہ سے زیادہ غباروں میں ہوا بھرنے کا بھی ہے۔ انہوں نے ایک گھنٹے میں 910 غباروں میں ہوا بھری تھی۔
ہنٹر پچھلے 15 سالوں سے شوقیہ غبارے  میں ہوا بھرتے ہیں۔اُن کی جسمانی ساخت یعنی پھپھڑے بھی کچھ اس طرح کے ہیں کہ  غباروں میں ہوا بھرتے ہوئے انہیں تکلیف نہیں ہوتی اور نہ ہی سر میں درد ہوتا ہے۔

تاریخ اشاعت : پیر 16 اکتوبر 2017