Thief Steals Watch Worth Rs. 14 Crore From Japanese Man's Wrist

سگریٹ لینے کے لیے ہوٹل سے باہر نکلنے والا جاپانی سیاح 14 کروڑ روپے کی گھڑی سے محروم ہوگیا

ایک جاپانی سیاح جیسے ہی سگریٹ لینے کے  لیے  پیرس کے ایک ہوٹل سے باہر نکلا، باہر موجودچور نے ان  کی 8 لاکھ 40 ہزار ڈالر مالیت کی سوئس واچ  چھین لی۔ 

پولیس  کے مطابق جاپانی سیاح پیرس میں فائیو سٹار ہوٹل نپولین میں قیام پذیر تھے۔ وہ جیسے ہی  ہوٹل سے باہر نکلے ، باہر موجود ایک شخص نے اُن سے سگریٹ مانگی ۔ اس کے بعد چور نے اُن کے ہاتھ سے نایاب رچرڈ ملی  ٹائم پیس، ٹوربلین ڈائمنڈ ٹوئسٹر، چھین لی اور فرار ہوگیا۔

اس کی مالیت 7 لاکھ 70 ہزار یورو تھی۔ 

فرانس کے دارالحکومت میں چور سیاحوں کی مہنگی گھڑیوں    کو نشانہ بناتے  رہتے ہیں۔ ایک اخبار کے مطابق اس سال  پیرس کے ایک ہی علاقے میں مہنگی  گھڑیوں کے چھیننے کی دو درجن وارداتیں ہو چکی ہیں۔پیرس میں اس سال جنوری سے ستمبر تک ایک لاکھ یورو مالیت کی چار مزید رچرڈ ملی  گھڑیاں چھینی جا چکی ہیں۔ لیکن جاپانی سیاح کی خوش قسمتی کہ چور اُن کی گھڑی چھینتے ہوئے ایک موبائل وہاں پھینک گیا، پولیس اس موبائل کا تجریہ کر رہی ہے۔

تاریخ اشاعت : ہفتہ 19 اکتوبر 2019

Share On Whatsapp
سب سے زیادہ پڑھی جانے والی خبریں