Mohammad Hafeez Releases Statement On New Domestic Structure
New Domestic Structure Takes Care Of Only 200 Players, 1000 Players And Management Staff Unemployed: Cricketer

محمد حفیظ نئے ڈومیسٹک سٹرکچر پر برس پڑے ، بیان جاری کر دیا

نیا ڈومیسٹک سٹرکچر صرف 200 کھلاڑیوں کا خیال رکھ رہا ہے ، 1000 کھلاڑی اور مینجمنٹ سٹاف بیروزگار ہیں:کرکٹر

لاہور : پاکستان کے مایہ ناز کھلاڑی محمد حفیظ بھی نئے ڈومیسٹک کرکٹ سٹرکچر کے خلاف کھل کر میدان میں آ گئے ہیں اور شدید تنقید کرتے ہوئے بیان جاری کر دیاہے۔تفصیلات کے مطابق محمد حفیظ نے ٹویٹر پر بیان جاری کرتے ہوئے کہا کہ” کرکٹ میں آنے والی بیروزگاری کی ذمہ داری کون لے گا ، نئے ڈومیسٹک سٹرکچر صرف 200 کھلاڑیوں کا خیال رکھ رہا ہے اور 1000 کے قریب کھلاڑی اور مینجمنٹ سٹاف اس نئے فارمیٹ کی وجہ سے بیروزگار ہوگئے ہیں“۔
واضح رہے کہ سماجی رابطے کی ویب سائٹ ٹویٹر پر ویڈیو وائرل ہوئی ہے جس پر محمد حفیظ نے ردعمل دیا۔ویڈیو میں ڈومیسٹک کرکٹر فضل سبحان کا کہنا تھا کہ ڈیپارٹمنٹ کرکٹ بند ہونے کی وجہ سے بھاڑے کی سوزوکی چلانے پر مجبور ہیں۔یاد رہے کہ پاکستان کرکٹ سے ڈیپارٹمنٹل ٹیموں کا کردار ختم ہونے کے بعد ڈیپارٹمنٹس کی ٹیموں کے کھلاڑی مسلسل بیروزگار ہور ہے ہیں، بعض کھلاڑی معاشی مسائل میں گھر گئے ، کئی اداروں نے کھلاڑیوں کو ملازمتوں سے فارغ کردیا جنہوں نے متبادل روزگار کی تلاش شروع کردی ہے۔
پاکستان کرکٹ بورڈ نے اس سال قائد اعظم ٹرافی میں چھ ٹیموں کو شامل کیا ہے جبکہ پاکستان کرکٹ سے ڈپارٹمنٹس کا کردار عملی ختم کردیا ہے۔ ذرائع کا دعویٰ ہے کہ ڈیپارٹمنٹل ٹیمیں بند ہونے سے مزید کھلاڑی ملازمتوں سے ہاتھ دھو بیٹھیں گے۔ 

تاریخ اشاعت : اتوار 13 اکتوبر 2019

Share On Whatsapp