Worker At New Zealand Company Brings Clown To Firing Meeting

ملازم کمپنی سے برطرف کیے جانے کی آخری ملاقات میں ایک جوکر کو اپنے ساتھ لے گیا

نیوزی لینڈ سے تعلق رکھنے والے شخص کو ایک ایسی ملاقات کے لیے اپنے ہمراہ کسی کو لانے کا کہا گیا، جہاں اسے ملازمت  سے  برطرف کیا جا سکتا تھا۔ ‎نیوزی لینڈ میں اس طرح کی ملاقاتوں میں کسی کو ساتھ لے جانا عام پریکٹس ہے۔ تاہم جوشوا جیک  نے اس موقع پر 100 ڈالر سے زیادہ  خرچ کے ایک جوکر کی خدمات حاصل کیں اور اسے اپنے ساتھ  ملاقات میں لے گئے۔
جوشوا نے بتایا کہ انہیں آکلینڈ کی اشتہاری    ایجنسی  ایف سی بی  کے مالکان کی طرف سے ای میل آئی۔

ای میل میں انہیں بتایا گیا کہ اگلی ملاقات میں ان  کے کمپنی میں مستقبل کے حوالے سے بات چیت کی جائے گی، اس لیے وہ کسی دوست  وغیرہ  کو ساتھ لائیں۔
جوشوا نے فیس بک پوسٹ میں لکھا کہ اس بُری خبر کا احساس ہونے پر انہوں نے 200 ڈالر (127 امریکی ڈالر) میں ایک جوکر کی خدمات حاصل کیں اور اسے ساتھ لے کر ملاقات میں چلے گئے۔
جوشوا  نے اس میٹنگ کی تصویریں بھی  شیئر کیں ہیں۔
تصاویر میں ایک جوکر کو مکمل میک اپ میں دکھایا گیا ہے۔ جوشوا نے بتایا کہ جس وقت  کمپنی کے مالکان نے  انہیں ملازمت سے نکالنے کی خبر سنائی اس وقت جوکر غباروں سے جانور بنا رہا تھا۔
جوشوا نے بتایاکہ اس کہانی کا اختتام کافی بہتر ہوا ہے کیونکہ انہیں  مقابلے پر موجود دوسری اشتہاری کمپنی ڈی ڈی بی میں ملازمت مل گئی۔

تاریخ اشاعت : ہفتہ 14 ستمبر 2019

Share On Whatsapp
سب سے زیادہ پڑھی جانے والی خبریں