آرمی چیف سے سعودی عرب کے ملٹری ایڈوائزرکی ملاقات

ملاقات میں باہمی دلچسپی کے امور اور علاقائی سکیورٹی صورتحال پر تبادلہ خیال،پاک فوج کا علاقائی امن واستحکام کیلئے کلیدی کردار ہے،میجر جنرل طلال عبداللہ کی گفتگو، پاک فوج سعودی بری فورسزکی استعدادکار میں اضافے کیلئے مکمل تعاون کرے گی۔آرمی چیف جنرل قمر جاوید باجوہ

راولپنڈی : چیف آف آرمی سٹاف جنرل قمر جاوید باجوہ سے سعودی عرب کے ملٹری ایڈوائزر میجر جنرل طلال عبداللہ نے ملاقات کی،باہمی دلچسپی کے امور اور علاقائی سکیورٹی صورتحال پر تبادلہ خیال کیا گیا۔پاک فوج کے شعبہ تعلقات عامہ آئی ایس پی آر کے مطابق سعودی عرب کے ملٹری ایڈوائزر میجر جنرل طلال عبداللہ نے جی ایچ کیو کا دورہ کیا۔دی عرب کے ملٹری ایڈوائزرنے آرمی چیف جنرل قمر جاوید باجوہ سے ملاقات بھی کی،ملاقات میں باہمی دلچسپی کے امور اور علاقائی سکیورٹی صورتحال پر تبادلہ خیال کیا گیا۔
ملاقات میں دونوں ممالک کی افواج کے درمیان تربیت ،دفاعی تعاون اور ٹریننگ ایکسچینج پروگرام پر بھی بات چیت کی گئی،ملاقات میں سعودی سفیر نواف سعید المالکی بھی موجود تھے۔اس موقع پر سعودی عرب کے ملٹری ایڈوائزر میجر جنرل طلال عبداللہ نے کہا کہ پاک فوج کا علاقائی امن واستحکام کیلئے کلیدی کردار ہے۔آرمی چیف جنرل قمر جاوید باجوہ نے کہا کہ پاک فوج سعودی بری فورسزکی استعدادکار میں اضافے کیلئے مکمل تعاون کرے گی۔

تاریخ اشاعت : جمعرات 12 ستمبر 2019

Share On Whatsapp