لاہور : بین الاقوامی کرکٹ سے ریٹائرمنٹ لینے کا معاملہ، محمد حفیظ نے اعلان کردیا، سینئر آل راونڈر کا کہنا ہے کہ یہ میرا کیرئیر ہے اور یہ میری مرضی ہے کہ میں جب چاہوں گا تب ریٹائرمنٹ کا اعلان کر دوں گا۔ تفصیلات کے مطابق پاکستان کے مایہ ناز آل راونڈر اور سینئر ترین کھلاڑی محمد حفیظ نے اپنی ریٹائرمنٹ سے متعلق چلنے والی خبروں کی تردید اور وضاحت کی ہے۔ اس حوالے سے محمد حفیظ نے سماجی رابطوں کی ویب سائٹ ٹوئٹر پر خصوصی پیغام جاری کیا ہے:

محمد حفیظ کا کہنا ہے کہ انہوں نے بین الاقوامی کرکٹ سے ریٹائرمنٹ لینے کا کوئی فیصلہ نہیں کیا۔ محمد حفیظ نے واضح کیا ہے کہ یہ ان کا کیرئیر ہے اور ریٹائرمنٹ لینے کیلئے وہ کسی کے دباو میں نہیں آئیں گے۔ جب ان کا دل چاہے گا، جب وہ بہتر محسوس کریں گے، تب وہ ریٹائرمنٹ کا اعلان کر دیں گے۔

تاریخ اشاعت : بدھ 21 اگست 2019