Ahmedabad Driver Coats Car With Cow Dung To Cool It As Temperatures Soar

کار کو گرم ہونے سے بچانے کے لیے بھارتی ڈرائیور نے اس پر گائے کے گوبر کا لیپ کر دیا

بھارتی کے شہر احمد آباد میں 45 ڈگری سینٹی گریڈ کی گرمی سے پریشان شہری نے اس کا انوکھا حل نکالا ہے۔ ایک فیس بک پوسٹ میں دکھایا گیا گیا ہے کہ اس شہری نے اپنی کار کو گائے کے گوبر سے لیپ  کر ڈھانپ دیا ہے۔
فیس بک صارف روپیش گاؤرانگا داس نے  نے تصاویر شیئر کرتے ہوئے بتایا  کہ یہ کار ایک خاتون کی ملکیت ہے، جنہوں نے اسے شہر میں بڑھتی ہوئی گرمی کے باعث گوبر سے لیپ دیا ہے۔


مسٹر داس نے اپنی پوسٹ میں لکھا کہ ”گائے کے گوبر کا بہترین استعمال ہے، جو آج تک میں نے دیکھا ہے۔“انہوں نے مزید بتایا کہ یہ کار سیجل شاہ کی ملکیت ہے۔مسٹر داس نے کمنٹس سیکشن میں وضاحت کی کہ یہ تصویریں انہیں وٹس ایپ پر بھیجی گئی تھیں۔
ان تصویروں کو دیکھ کر جہاں بہت سےلوگ ہنس رہے ہیں وہاں بہت سے اس خیال کی تعریف بھی کر رہے ہیں۔ برصغیر کے دیہاتوں میں فرش اور دیواروں پر گائے کے گوبر  کا لیپ کرنا عام بات ہے۔ اس سے  گرمیوںمیں گھر ٹھنڈا اور سردی میں گرم رہتا ہے۔

تاریخ اشاعت : منگل 21 مئی 2019

Ahmedabad Driver Coats Car With Cow Dung To Cool It As Temperatures Soar
Share On Whatsapp
سب سے زیادہ پڑھی جانے والی خبریں