لاہور : اداکارہ وماڈل ثنا نے کہا ہے کہ ہمارے ہاں فلمیں تو بن رہی ہیں لیکن تاحال کوئی فلمی ستارہ سلوراسکرین کے افق پر نہیں جگمگا سکا۔اپنے ایک انٹرویو میں ثنا نے بتایا کہ باری، ایورنیواورشاہ نورسٹوڈیو کے باہربھی فلمی ستاروں کے چاہنے والوں کا تانتا بندھا رہتا تھا، فلم کی شوٹنگ دیکھنے کے خواہشمند ہر روز دوردراز علاقوں سے آتے اور سٹوڈیوز کے باہر رش لگا رہتا۔ لیکن آج ایسا نہیں ہے۔اداکارہ نے کہا کہ ہمارے ہاں فلمیں بننے کا سلسلہ تودوبارہ سے شروع ہوچکا ہے لیکن تاحال کوئی ایسا فلمی ستارہ سلوراسکرین کے افق پرنہیں جگمگا سکا، جس کے اسٹارڈم کے سب گن گاتے ہوں۔ لابی سسٹم کے تحت فنکارایک دوسرے کوسپورٹ کررہے ہیں لیکن پبلک کواپنی طرف متوجہ کرنا تاحال کسی فنکار کے بس کی بات نہیں۔ثنا نے کہا کہ فنون لطیفہ میں عوام کے سب سے قریب میڈیم فلم ہی ہے۔ اگرنوجوان فلم میکرزعوام کوسینما گھروں تک لانا چاہتی ہے توانھیں اپنے کام کوبہتربنانے کے ساتھ ساتھ ایسے فنکاروںکو کام کا موقع دینا ہوگا، جوبڑے پردے پرجگمگانے کی بھرپورصلاحیت رکھتے ہوں-

تاریخ اشاعت : منگل 27 مارچ 2018