واشنگٹن سٹیٹ نے چہرہ شناختی کے ٹھوس قوانین متعارف کرا دئیے
واشنگٹن کے حکام نے ریاست میں چہرہ شناسی کے حوالے سے ٹھوس قوانین متعارف کرائے ہیں۔ ریاست کے ایوان نمائندگان اور سینٹ نے چہرہ شناسی کے حوالے سے حتمی قانون سازی کر لی ہے۔عام طور پر واشنگٹن وہ پہلی ریاست ہوتی ہے جو ٹیکنالوجی کے حوالے سے سب سے پہلے قانون سازی کرتی ہے۔نیٹ نیوٹریلیٹی کےحوالے سے بھی قانون سازی سب سے پہلے واشنگٹن میں ہی ہوئی تھی۔
چہرہ شناسی کے قانون کے حوالے سے ایوان اور سینٹ، سینٹ بل 6280 کی زبان سے متفق نہیں تھے۔ اب ددنوں ہی ترمیم شدہ بل پر متفق ہو گئے ہیں۔ قانون سازوں کا کہنا ہے کہ یہ ملک میں چہرہ شناسی کے حوالے سے اب تک کا پہلا اور جامع ترین قانون ہے۔
اس بل کے تحت چہرہ شناسی کی ٹیکنالوجیز کو درستی کے لیے ٹسٹ کیا جانا ہے کیونکہ اس سے پہلے یہ ٹیکنالوجی خواتین اور لوگوں کے رنگوں کے لحاظ سے تعصب ظاہر کر چکی ہے۔اس کے علاوہ قانون نافذ کرنے والے اداروں کو اس ٹیکنالوجی کے استعمال کے لیے عدالت سے وارنٹ لینا ہوگا۔ واشنگٹن سٹیٹ نے ایک ٹاسک فورس بھی بنائی ہے جو دیکھے گی کہ پبلک ایجنسیاں چہرہ شناسی کی ٹیکنالوجی کو کس طرح استعمال کر رہی ہیں۔
ایوان اورسینٹ سے پاس ہونے کے بعد اس بل پر بس گورنر کے دستخط ہونا باقی ہیں۔
تاریخ اشاعت : جمعہ 13 مارچ 2020