گوگل کروم صارفین کو ایک جیسے نظر آنے والے یو آر ایلز کے بارے میں خبردار کرے گا
آج کل بہت سے ہیکر بنک یا دوسرے مالیاتی اداروں کی ویب سائٹ کے یو آر ایل سے ملتے جلتے یو آر ایل حاسل کر کے صارفین کو پاس ورڈ تبدیل کرنے یا ویب سائٹ وزٹ کرنے کی ای میل بھیجتے ہیں۔ ایسے میں Lookalike URLs کا فیچر صآرفین کو ہیکروں کے اس حملے سے بچا سکتا ہے۔
ملتے جلتے یو آر ایل کے بارے میں بتانے کے لیے گوگل صارفین کو "did you mean to go to [URL]" کا نوٹی فیکیشن دکھائے گا۔
اس وقت یہ فیچر فلیگ (flag) میں چھپا ہوا ہے اور کروم کے کنیری (Canary) ورژن میں کام کرتا ہے۔ اس فیچر کو فعال کرنے کے لیے گوگل کروم کی ایڈریس بار میں
chrome://flags/#enable-lookalike-url-navigation-suggestions
لکھ کر انٹر کریں اور ڈیفالٹ کی بجائے Enable کو منتخب کر لیں۔ اس کے بعد اپنے براؤزر کو ایک بار ری سٹارٹ کر لیں۔
یاد رہے کہ گوگل اس فیچر سے تمام ویب سائٹ کے یو آر ایل کے ایک جیسا ہونے کے بارے میں نہیں بتاتا بلکہ مخصوص ویب سائٹس کے یو آر ایلز کے بارے میں بتاتا ہے۔یہ فیچر ابھی تجرباتی مراحل میں ہے۔ مستقبل میں گوگل اسے تمام صآرفین کے لیے جاری کر سکتا ہے یا بھی اسے ختم بھی کر سکتا ہے۔
تاریخ اشاعت : اتوار 3 فروری 2019
سب سے زیادہ پڑھی جانے والی خبریں
