امریکا میں کرپٹو کرنسی کے حوالے سے غیر یقینی صورتحال ہے لیکن اوہائیو اس کے باوجود  کرپٹو کرنسی کےاستعمال میں ایک قدم اور آگے آ گیا ہے۔ اوہائیو کےکاروباری  ادارے اب اپنے ٹیکس کی ادائیگی بٹ کوائن کےذریعے بھی کر سکیں گے ۔
وال سٹریٹ جرنل کے مطابق یہ  صرف کاروباری مقاصد تک محدود ہوگا ۔ بٹ کوائن سے ٹیکس کی ادائیگی کےلیے کاروباری اداروں کو OhioCrypto.com پر رجسٹر ہونا پڑے گا۔ یہاں صارفین سگریٹ اور تمباکو کی مصنوعات سمیت 23 طرح کے ٹیکس ادا کر سکیں گے۔ بتدریج اوہائیو میں ذاتی ٹیکس بھی بٹ کوائن سے ادا کیے جا سکیں گے۔
اوہائیو کے خزانچی جوش مانڈل کا کہنا ہے کہ وہ بٹ کوائن کے ذریعے ٹیکس وصولی کا فیصلہ گورنر کی معاونت یا قانون سازی کے بغیر کر سکتے ہیں۔ قانون سازی کے ذریعے اس کا نفاذ کافی مشکل ہوتا۔

تاریخ اشاعت : پیر 26 نومبر 2018