گوگل اسسٹنٹ اب فون کال کر کے آپ کے لیے اپائنٹمنٹ لے سکتا ہے
گوگل کی سالانہ کانفرنس کے موقع پر حاضرین اس وقت حیران رہ گئے جب گوگل کے سی ای او سندر پچائی نے Duplex نامی فیچر متعارف کرایا۔ اس فیچر سے گوگل اسسٹنٹ کاروباری اداروں کو آپ کی طرف سے فون کال کر کے اپائنٹمنٹ شیڈول کر سکتا ہے۔یعنی اب گوگل اسسٹنٹ آپ کے لیے حقیقی اسسٹنٹ والے کام کرے گا۔
سندر پچائی نے بتایا کہ اس وقت 60 فیصد کاروباری اداروں کے پاس آن لائن بکنگ سسٹم نہیں ہے، جس کی وجہ سے گوگل اسسٹنٹ بہت سی جگہوں پر آپ کےلیے آن لائن بکنگ نہیں کر سکتا۔
یہ معلوم نہیں ہو سکا کہ اس فیچر کو کب تک صارفین کے لیے جاری کیا جائے گا لیکن امید ہے کہ صارفین اس سال کے آخر تک اس فیچر کو استعمال کر سکیں گے۔
تاریخ اشاعت : جمعرات 10 مئی 2018