اگر آپ  میسج پڑھنےکےلیے بار بار اپنا فون اٹھاتے ہیں تو مائیکروسافٹ  آپ کےلیے ایک زبردست ایپلی کیشن متعارف کرارہا ہے ۔ ونڈوز 10 ڈیسک ٹاپ صارفین  اس ایپلی کیشن سے اپنے کمپیوٹر پر ہی موبائل کے میسج پڑھ کر اُن کا جواب دے سکیں گے  اور موبائل کی تصویریں دیکھ سکیں گے۔
Your Phone نامی ایپلی کیشن ڈیل کمپنی کے سافٹ وئیر Mobile Connect کی طرح کام کرتی ہے۔ موبائل کنکٹ کو ڈیل کے جدید ترین سسٹمز میں شامل کیا گیا ہے۔

Your Phone ایپلی کیشن کو اینڈروئیڈ اور آئی او ایس صارفین استعمال کر سکیں گے۔ اسے ابھی ونڈوز انسائیڈر پروگرام میں شامل کیا گیا ہے۔ ٹسٹنگ کے بعد یہ مائیکروسافٹ سٹور پر دستیاب ہوگی۔
اس وقت بہت سی تھرڈ پارٹی ایپلی کیشنز موجود ہیں جو وہی کام کرتیں ہیں جو مائیکروسافٹ کی یہ نئی ایپ کرے گی۔ لیکن مائیکروسافٹ کی اپنی ایپلی کیشن کا مطلب ہے کہ یہ فون سے بہتر طور پر مربوط ہو سکے گی۔

تاریخ اشاعت : منگل 8 مئی 2018