ایپل کو آئی فون ٹین  جیسا مہنگا سمارٹ فون متعارف کرانے پر خاصی تنقید کا سامنا کرنا پڑا تھا لیکن   آئی فون ٹین کی کامیابی سے پتا چلا ہے کہ یہ مہنگا فون ایپل کا غلط فیصلہ نہیں تھا۔ 2018 کی پہلی سہ ماہی میں یہ فون سب سے زیادہ فروخت ہوا ہے۔یہی نہیں اس کے بعد جو فون زیادہ  فروخت ہوئے وہ بھی ایپل کے مہنگے فون آئی فون 8 اور آئی فون 8 پلس تھے۔
تجزیاتی کمپنی سٹریٹیجی اینالیٹکس کے مطابق ایپل نے پہلی سہ ماہی میں آئی فون ٹین کے 16 ملین یونٹ فروخت کیے۔

اس کے بعد آئی فون 8  کے  12.5 ملین یونٹ اور آئی فون 8 پلس کے  8.3 ملین یونٹ فروخت ہوئے۔اس سے زیادہ متاثر کن بات یہ ہے کہ چارٹ  کے مطابق ایپل کے پچھلی نسل کے فون آئی فون 7 بھی 5.6 ملین یونٹ کی تعداد میں فروخت ہوئے۔ایپل کے علاوہ اس چارٹ میں شومی کا شومی ریڈ می  5 اے  اور سام سنگ کا گلیکسی ایس 9 پلس  شامل ہیں۔
امید ہے کہ اگلی سہ ماہی میں گلیکسی ایس 9 پلس  اس چارٹ میں سرفہرست ہوسکتا ہے  کیونکہ اس سہ ماہی میں آئی فون ٹین کی فروخت میں کافی کمی ہوئی ہے۔

تاریخ اشاعت : ہفتہ 5 مئی 2018