لاہور : معروف صحافی چوہدری غلام حسین کا کہنا ہے کہ نیب کی گرفتاری سے بچنے کے لیے وزیر اعلی پنجاب شہباز شریف کے داماد علی عمران کو ملک سے فرار کروا دیا گیا ہے۔ تفصیلات کے مطابق معروف صحافی چوہدری غلام حسین کا پروگرام میں گفتکو کرتے ہوئے کہنا تھا کہ وزیر اعلی پنجاب شہباز شریف کے داماد علی عمران کو نیب کے دفتر طلب کیا گیا۔شہباز شریف کے داماد علی عمران پر یہ الزام عائد ہے کہ ایک پاور کمپنی کے اکاؤنٹ سے علی عمران کے اکاؤنٹ میں 12کروڑ روپے منتقل کیے گئے۔اور اس کمپنی کا( سی ایف او) اس وقت نیب کے زیر حراست ہے۔اور اب اطلاعات ہیں کہ علی عمران کو پچھلے کچھ دن پہلے ہی ملک سے بھگا دیا گیا۔چوہدری غلام حسین کا کہنا تھا کہ اس سے پہلے کہ نیب علی عمران کو گرفتار کرتی۔ان کو ملک سے فرار کروا دیا گیا اور اب وہ یورپ کی ٹھنڈی چھاؤں میں بیٹھے ہیں۔مزید کیا کہا ویڈیو ملاحظہ کیجئے:

تاریخ اشاعت : منگل 17 اپریل 2018