بکنگ کے لیے گوگل  کے ڈپلیکس اے آئی  اسسٹنٹ  کو اس سال  گوگل آئی /او میں  متعارف کرایا گیا تھا۔ یہ سروس اب صارفین کے لیے آن لائن ٹکٹ تلاش اور بک کر سکتی ہے۔ اس سروس کے ہوتے ہوئے صارفین کو فارمز وغیرہ بھرنے کی ضرورت نہیں ہوگی۔ یہ سب کام ڈپلیکس انجام دے گا۔ اس فیچر کو استعمال کرنے کے لیے صارفین کو ڈپلیکس کو صرف یہ بتانا ہوگا کہ  وہ اپنے علاقے میں کونسی فلم دیکھنا چاہتے ہیں۔ موبائل پر فلم کے بارے میں سرچ کرتے ہوئے بھی یہ فیچر  ایکٹیو ہو جائے گا۔ یہ فیچر تمام کام خود سے کرنے کے بعد صارفین سے  صرف سیٹ کو منتخب کرنے اور ادائیگی کرنے کا کہے گا۔یہ فیچر  صارفین کی ذاتی معلومات  کو محفوظ کر کے ان سےکروم براؤزر میں فارمز میں ضروری معلوم پُر کرتا ہے۔

اس وقت یہ فیچر  امریکا اور برطانیہ کے 70 تھیٹر ز اور ٹکٹ ایجنٹس کی ویب سائٹس کے لیے کام کررہا ہے۔