گوگل نے کیلنڈر ایونٹس کی تخلیق کے لیے نیا ڈاٹ نیو شارٹ متعارف کرا دیا
پچھلے سال گوگل نے انہی دنوں ڈاکس، شیٹس ، سلائیڈ، سائٹ اور فارم کے لیے نئے شارٹ کٹس متعارف کرائے تھے، جس سے صارفین براؤزر میں Docs.new اور دوسری کمانڈز لکھ کر نیا ڈاکیومنٹس وغیرہ بنا سکتے ہیں۔
گوگل نے اب اسی طرح کا فیچر کیلنڈر کے لیے متعارف کرایا ہے۔ اب صارفین براؤزر کی ایڈریس بار میں cal.new یا meeting.new لکھ کر نیا ایونٹ یا اپوائنٹمنٹ تخلیق کر سکتے ہیں۔براؤزر کے ایڈریس بار میں cal.new یا meeting.new لکھنے سے ایونٹ کا ایڈٹ پیج کھل جائے گا۔ اس پیج کو آپ عام طور پر Create بٹن اور پھر More Options پر کلک کر کے کھولتے ہیں۔ اس فیچر سے آپ اپنا اکاؤنٹ سوئچ کیے بنا بھی ایونٹ تخلیق کر سکتے ہیں۔ مثال کے طور پر cal.new/1/ لکھنے سے گوگل اس اکاؤنٹ پر ایونٹ تخلیق کرے گا، جس سے آپ پہلے لاگ ان ہوئے۔ اسی طرح cal.new/2/ سے دوسرے اکاؤنٹ میں اکاؤنٹ تخلیق ہوگا۔ گوگل نے اسی طرح کئی اکاؤنٹس کے لیے ڈاکیومنٹس بنانے کا فیچر جولائی میں متعارف کرایا تھا۔
تاریخ اشاعت : پیر 28 اکتوبر 2019