فیس بک ایسے لوگوں کے حقیقی اکاؤنٹس بلاک کر رہا ہے، جو  دوسروں کے جعلی  اکاؤنٹس کی نشاندہی کر رہے ہیں۔ فیس بک کئی دنوں تک ایسے لوگوں کے اکاؤنٹس بلاک کر دیتا ہے۔ اس حوالے سے ٹوئٹر پر ایک ٹرینڈ #FacebookLockout بھی چل رہا ہے۔ 

تفصیلات کے مطابق ایسے صارفین جو دوسروں کے جعلی اکاؤنٹس کی نشاندہی کرتے ہیں، فیس بک اُن کے اکاؤنٹس کو لاک کر کے اُن سے شناخت کے ثبوت مانگتا ہے۔ اگر صارفین اپنے شناختی کارڈ کو سکین کر کے بھیج بھی دیں، تب بھی فیس بک انہیں اکاؤنٹ میں لاگ ان نہیں ہونے دیتا۔ 

کوری کومر نامی ایک صارف کو فیس بک نے جعلی اکاؤنٹ کی رپورٹ کرنے پر ایک ہفتہ تک بلاک کیے رکھا۔ انہوں نے ہی ٹوئٹر پر یہ ٹرینڈ شروع کیا ہے۔ اس مسئلے سے فیس بک کے پیجیز اور انسٹاگرام کے اشتہارات بھی متاثر ہو رہے ہیں۔ اس کا مطلب ہے کہ جن صارفین کے اکاؤنٹس لاک ہوتے ہیں، اگر وہ کسی کاروباری پیج کے ایڈمنز ہیں تو وہ اُن صفحات تک رسائی حاصل نہیں کر سکتے۔ 

فیس بک کی طرف سے اس طرح کے واقعات نئے نہیں۔ کچھ صارفین نے جولائی میں بھی اسی طرح کے مسائل کو رپورٹ کیا تھا۔ 

[short][show_embed_tweet 7479][/short]