ذرائع نے وال سٹریٹ جرنل کو بتایا ہے کہ  گوگل  ٹِک ٹوک کے مقابلے کی  ایپ فائر ورکس  کو خریدنے میں دلچسپی رکھتا ہے۔ذرائع کا کہنا ہے کہ ابھی اس حوالے سے کوئی معاہدہ طے نہیں پایا اور نہ ہی ایپلی کیشن کی قیمت طے ہوئی ہے۔
وال سٹریٹ جرنل نے لکھا کہ فائر ورکس   کی موجودہ قیمت 100 ملین ڈالر ہو سکتی ہے۔اس ایپلی کیشن کو سنیپ، لنکڈان اور جے پی مورگن چیز کے سابق  سربراہوں نے  بنایا ہے۔یہ ایپلی کیشن تیزی سے مقبول ہوتی ہوئی ایپلی کیشن ٹِک ٹوک کے مقابلے کی ایپلی کیشن ہے۔اس  سال سے ٹِک ٹوک کے ماہانہ فعال صارفین کی تعداد ایک ارب سے زیادہ ہے لیکن فائر ورکس کے صارفین کی تعداد کے بارے میں ابھی کچھ نہیں پتا۔ کمپنی کا کہنا ہے کہ کروڑوں افراد اس ایپ کو استعمال کرتے ہیں۔
فائر ورکس پر 30 سیکنڈ کی ویڈیو اپ لوڈ کی جا سکتی ہے۔ اس ایپ میں ویڈیو کو لینڈ سکیپ یا پورٹریٹ دونوں طرح سے دیکھا جا سکتا ہے۔
گوگل کے علاوہ ویبو اور چینی   کمپنیاں بھی فائر ورکس کو خریدنے میں دلچسپی لے رہی ہیں۔اس ایپ کو انسٹال کرنے کے لیے یہاں کلک کریں۔

تاریخ اشاعت : اتوار 6 اکتوبر 2019