ایک ماہ کی پابندی کے بعد امریکی صدر ڈونلڈ ٹرمپ نے بتایا کہ وہ امریکی کمپنیوں کو ہواوے سے کاروبار کرنے اور اسے آلات فراہم کرنے کی اجازت دے  دیں گے۔ امریکی صدر نے یہ بات اوساکا، جاپان میں ہونے والی جی 20 سمٹ میں کی۔ انہوں نے سمٹ میں چینی صدر  شی جن پنگ سے بھی ملاقات کی۔ ڈونلڈ ٹرمپ نے واضح کیا کہ وہ ہواوے کو ایسے آلات فراہم کرنے کی اجازت دیں گے، جو ملک کی سلامتی کے خطرہ نہ ہوں۔
ایک رپورٹ کے مطابق  ہواوے نے 2018 میں  امریکی سپلائرز سے 11 ارب ڈالر کے چپ سیٹ اور سافٹ وئیرز خریدے۔ یہ چپ سیٹ  کوالکوم اور سافٹ وئیر مائیکرو سافٹ سے خریدے تھے۔
یاد رہے کہ امریکی صدر کی اجازت کے باوجود ہواوے   یو ایس ڈیپارٹمنٹ آف کامرس کی Entity Listپر موجود رہے گا۔ یعنی تیکنیکی طور پر ہواوے  پر امریکی کمپنیوں سے کاروبار کرنے پر پابندی رہے گی۔
ابھی تک واضح نہیں ہو سکا کہ  گوگل ، کوالکوم، انٹل  اور دوسری کمپنیاں  ہواوے سے کام شروع کریں گی یا نہیں۔

تاریخ اشاعت : ہفتہ 29 جون 2019