گوگل نے کچھ عرصے کے لیے کروم ڈیسک ٹاپ ایپ پیش کی تھی لیکن اب صارفین اس کے نئے ویب ورژن سے فائدہ اٹھا سکتے ہیں۔ اس کے لیے صارفین کو remotedesktop.google.com/access وزٹ کرنا پڑے گا۔  جلد ہی صارفین کو  ریموٹ ڈیسک ٹاپ ایپ  چھوڑ کر نیا ویب ورژن ہی استعمال کرنا پڑے گا، جو گوگل کروم میں ہی تمام ڈیسک ٹاپ فنکشن فراہم کرتا ہے۔
یعنی اب صارفین کروم میں اپنا ڈیسک ٹاپ شیئر کر سکیں گے یا دوسروں کے ڈیسک ٹاپ تک رسائی حاصل کر سکیں گے۔ اس میں ایک آٹو جنریٹ کوڈ سسٹم بھی ہے، جو 5 منٹ تک موثر 12 عددی کوڈ فراہم کرے گا۔ کمپیوٹر تک رسائی کےلیے آپ کو یا دوسرے صارف کو یہ کوڈ انٹر کرنا ہوگا۔
موجودہ ریموٹ ڈیسک ٹاپ ایپ کی سپورٹ 30 جون تک برقرار رہے گی اس کے بعد پی سی صارفین کو ویب ورژن ہی استعمال کرناہوگا۔

تاریخ اشاعت : منگل 11 جون 2019