گوگل  نے گوگل میپس میں ویز کے بہت سے فیچر شامل کیے ہیں اور کر رہا ہے۔حال ہی میں کمپنی نے گوگل میپس میں سپیڈ کیمرہ  اور سپیڈ ٹریپ کے بارے میں  فیچر اور سڑکوں پر رکاؤٹوں کی رپورٹ  کرنے کے فیچر شامل کیے ہیں۔
گوگل نے اب گوگل میپس کی نیوی گیشن سکرین میں سپیڈو میٹر شامل کیا ہے، جو آپ کو حد رفتار کے مطابق رکھنے میں مدد دیتا ہے۔
حد رفتار سے زیادہ   پر گاڑی چلانے پر نیچے بائیں طرف موجود سپیڈو میٹر ڈرائیور کو خبردار کرتا ہے۔ یہ فیچر براہ راست ویز سے لیا گیا ہے  لیکن  بدقسمتی سے اس سٹیج پر یہ فیچر صرف چند صارفین کے لیے جاری کیا گیا ہے۔
اس وقت امریکا، بیلجیم، برطانیہ اور  برازیل کے صارفین سپیڈو میٹر کا فیچر استعمال کر سکتے ہیں۔ باقی دنیا میں صارفین کو اس فیچر کے لیے نسبتاً زیادہ انتظار کرنا پڑ سکتا ہے۔ اس فیچر کو Navigation Setting مینو سے فعال کیا جا سکتا ہے۔

تاریخ اشاعت : منگل 11 جون 2019