گوگل نے ٹرمپ کے حکم پر ہواوے کا اینڈروئیڈ لائسنس معطل کر دیا
امریکی اور چینی تجارتی سرد جنگ دنیا کی دوسری بڑی موبائل ساز اور فائیو جی آلات بنانے و الی کمپنی ہواوے کے لیے مہلک ثابت ہوئی ہے۔ امریکی صدر ڈونلڈ ٹرمپ کے صدارتی فرمان کے بعد گوگل، انٹل، براڈ کام، زیلینکس، کوالکوم اور دیگر بہت سی کمپنیوں نے ہواوے کے ساتھ کام بند کر دیا ہے۔ اس کا مطلب ہے کہ ہواوے کے اگلے سمارٹ فونز گوگل سروسز یا ان کمپنیوں کے ہارڈ وئیر کے بغیر پیش کیے جائیں گے۔
اگرچہ ہواوے نے Balong 5000 موڈیم کے ساتھ فائیو جی کنکٹیویٹی کے لیے اپنی فلیگ شپ چپس جیسے Kirin 980 تیار کر لی ہیں لیکن کمپنی ابھی بھی سستی ڈیوائسز کے لیے امریکی کمپنیوں کے آلات پر انحصار کر رہی تھی۔
بلوم برگ کی ایک رپورٹ میں ایک تجزیہ کار کے حوالے سے بتایا گیا ہے کہ ہواوے کا امریکی سیمی کنڈکٹر مصنوعات پر بہت زیادہ انحصار ہے، امریکی آلات کی رسد بند ہونے پر کمپنی کو ناقابل تلافی نقصان پہنچ سکتا ہے۔
دوسری کمپنیاں جیسے انٹل ہواوے کو سرور چپ فراہم کرتا ہے، زیلینکس نیٹ ورکنگ کے لیے پروگرام ایبل چپ فراہم کرتا ہے اور براڈ کام سوئچنگ چپس فراہم کرتا ہے۔یہ سب ہی ہواوے کے لیے کافی ضروری ہیں۔
اگرچہ ہواوے نے Balong 5000 موڈیم کے ساتھ فائیو جی کنکٹیویٹی کے لیے اپنی فلیگ شپ چپس جیسے Kirin 980 تیار کر لی ہیں لیکن کمپنی ابھی بھی سستی ڈیوائسز کے لیے امریکی کمپنیوں کے آلات پر انحصار کر رہی تھی۔
بلوم برگ کی ایک رپورٹ میں ایک تجزیہ کار کے حوالے سے بتایا گیا ہے کہ ہواوے کا امریکی سیمی کنڈکٹر مصنوعات پر بہت زیادہ انحصار ہے، امریکی آلات کی رسد بند ہونے پر کمپنی کو ناقابل تلافی نقصان پہنچ سکتا ہے۔
دوسری کمپنیاں جیسے انٹل ہواوے کو سرور چپ فراہم کرتا ہے، زیلینکس نیٹ ورکنگ کے لیے پروگرام ایبل چپ فراہم کرتا ہے اور براڈ کام سوئچنگ چپس فراہم کرتا ہے۔یہ سب ہی ہواوے کے لیے کافی ضروری ہیں۔
امریکی کمپنیوں خاص کر گوگل کی طرف سے پابندی کے بعد ہواوے دنیا بھر میں اپنی ڈیوائسز ایسے متعارف کرا سکتا ہے جیسے یہ چین میں ہوتی ہیں یعنی ان میں ضروری ایپس، جیسے میپس، کیلنڈر، جی میل، کروم اور سب سے اہم گوگل پلے سٹور نہیں ہوتا۔ یعنی ان پابندیوں سے ہواوے کی عالمی فروخت پر بہت برا اثر پڑے گا۔ ان پابندیوں کے بعد ہواوے کا 2021ء تک سب سے بڑی موبائل ساز کمپنی بننے کا خواب بھی ادھورا رہ جائے گا۔
یاد رہے کہ گوگل کی طرف سے پابندی کے بعد ہواوے نے اپنا آپریٹنگ سسٹم متعارف کرا دیا ہے(تفصیلات اس صفحے پر)۔
تاریخ اشاعت : پیر 20 مئی 2019
