اگر آپ کو لگتا ہے کہ آپ کی گوگل ڈیٹا ہسٹری کبھی آپ کے لیے پریشانی کا باعث بن سکتی ہے تو اب آپ کو پریشان ہونے کی ضرورت نہیں۔ آپ کو یہ سن کر خوشی ہوگی کہ جلد ہی آپ کی  گوگل ڈیٹا ہسٹری خود کار طور پر ڈیلیٹ ہو سکے گی۔ گوگل آپ کے ایکٹیویٹی ڈیٹا اور لوکیشن ہسٹری کے لیے آٹو ڈیلیٹ کنٹرول متعارف کرا رہا ہے۔ جس سے ہر تین ماہ یا ڈیڑھ سال بعد آپ کی گوگل ڈیٹا ہسٹری خود کار طور پر ڈیلیٹ ہو جائے گی۔ صارفین اگر چاہیں تو مینوئل ڈیلیٹ کے فنکشن کو بحال رکھ سکتے ہیں۔
آنے والے چند ہفتوں میں آپ  اس کے لیے ایک نیا آپشن دیکھیں گے۔ گوگل اس کے بعد اس فیچر کو مزید بہتر کر سکتا ہے۔ یہ فیچر جب بھی سامنے آئے ، لیکن اس سے گوگل کی صارفین کی پرائیویسی کے حوالے سے سنجیدگی ظاہر ہوتی ہے۔

تاریخ اشاعت : بدھ 1 مئی 2019