اشتہارات کی سپورٹ کے ساتھ یوٹیوب میوزک سروس کو گوگل  ہوم  سپیکر اور گوگل اسسٹنٹ کے حامل دیگر  سمارٹ سپیکرز  پر مفت میں پیش  کر دیا گیا ہے۔
اس سے فائدہ اٹھانے کے لیے صارفین کو اکاؤنٹ سیٹنگ میں سروسز پر ٹیپ کر کے میوزک کو منتخب کرنا پڑے گا۔ اس کے بعد ڈیفالٹ میوزک سروس کے طور پر یوٹیوب میوزک کا انتخاب کرنا پڑے گا۔ اس کے بعد صارفین Hey Google کی کمانڈ سے کسی بھی قسم کا میوزک سن سکیں گے۔ یاد رہے کہ  اشتہارات کے  ساتھ اس سروس میں صارفین مخصوص گلوکاروں کے مخصوص گانے یا البم نہیں سن  سکیں بلکہ وہ گوگل کو میوزک کی قسم  پلے کرنے کی کمانڈ دے سکیں گے۔مخصوص گلوکاروں کے مخصوص گانے یا البم سننے کے لیے صارفین کو یوٹیوب میوزک کی پریمیم سروس میں سبسکرائب کران پڑےگا۔
اشتہارات کے ساتھ مفت میوزک سروس پیش کر کے گوگل  سمارٹ سپیکرز پر  سپوٹیفائی اور پینڈورا کی مفت پیش کش  کے مقابلے پر آگیا ہے۔ سمارٹ سپیکرز کے علاوہ گوگل نے اپنی اس سروس کو گوگل اینڈروئیڈ  کلاک ایپ کے لیے جاری کیا ہے۔ میوزک سروس کو بڑھانے کے لیے گوگل مزید شراکت داروں کے ساتھ بھی شراکت داری کر رہا ہے۔

تاریخ اشاعت : ہفتہ 20 اپریل 2019