اوپو اپنے پاپ اپ سیلفی کیمرہ فون کو  پاکستان میں لانچ کرنے والا ہے۔اس حوالے سے حتمی تاریخ کا اعلان  کر دیا گیا ہے۔اوپو مختلف سوشل میڈیا پلیٹ فارمز پر  اپنے کم روشنی میں فوٹوگرافی کے چیمپئن فون کی تشہیر کر رہا ہے۔اوپو کے اوپو ایف 11 پرو کو پاکستان میں 16 اپریل  کو لانچ کیا جائے گا۔
اس فون کی بڑی خصوصیات میں سے الٹرا کلیئر کیمرہ سسٹم، پاپ اپ کیمرہ اور پینورامک سکرین شامل ہیں۔ اوپو ایف 11 پرو میں 48 میگا پکسل اور 5 میگا پکسل کا ڈوئل رئیر کیمرہ اور 16 میگا پکسل کا سیلفی کیمرہ ہے،جو کم روشنی میں فوٹو گرافی کے لیے بہترین ہیں۔
بہترین تصویر کے لیے رئیر کیمرہ سسٹم میں F1.79 اپرچر، بال بیرنگ کلوزڈ لوپ وی سی ایم، 6 پی لینز اور   1/2.3 انچ امیج سنسر ہیں۔ روشن ماحول میں  اس فون سے 48 میگا پکسل الٹرا ایچ ڈی تصاویر بنائی جا سکتی ہیں۔ دوسری طرف کم روشنی کےماحول میں ایف 11 پرو کی ٹیٹرا سیل ٹیکنالوجی ماحول کا تجزیہ کرتی ہے اور بہترین پورٹریٹ تصاویر بناتی ہے۔
اوپو ایف 11 پرو  کا ڈسپلے 6.53 انچ اور سکرین ٹو باڈی ریشو 90.9 فیصد ہے ۔ اس فون میں اوکٹا کور(2.1 GHz, Quad core, Cortex A73 + 2 GHz, Quad core, Cortex A53) پروسیسر، 4 جی بی یا 6 جی بی ریم اور 64 جی بی یا 128 جی بی انٹرنل سٹوریج ہے۔ فون میں 4000 ایم اے ایچ کی بیٹری اسے طویل عرصے تک چلانے کے لیے کافی ہے۔
ابھی اس فون کی پاکستان میں قیمت کے حوالے سے یقین سے نہیں کہا جا سکتا ۔ اندازہ ہے کہ پاکستان میں اس کی قیمت 55 ہزار روپے سے زیادہ ہوگی۔

تاریخ اشاعت : پیر 8 اپریل 2019