جاپانی ارب پتی کے مفت انعامی رقم کے ٹوئٹ نے ری ٹوئٹس کے سارے ریکارڈ توڑ دئیے
جاپانی ارب پتی اور مستقبل میں سپیس ایکس کے راکٹ میں چاند کا چکر لگانے والے خلائی سیاح یوساکو مائیزاوا نے سب سے زیادہ ری ٹوئٹس کا نیا عالمی ریکارد بنا لیا ہے۔ اس سے پہلے یہ ریکارڈ کارٹر ولکرسن کے ٹوئٹ کو حاصل تھا۔ یوساکو نے مفت انعامی رقم کا ٹوئٹ کیا تھا، جسے اتنا زیادہ ری ٹوئٹس گیا کہ نیا ریکارڈ بن گیا۔
[short][show_embed_tweet 3666][/short]
43 سالہ یوساکو نے ہفتے کو ٹوئٹ کیا تھا کہ وہ خود کو ری ٹوئٹ اور فالو کرنے والوں میں سے 100 افراد کو اٹکل سے منتخب کر کے انہیں 1 ملین ین یا 9250 ڈالر دیں گے۔ رقم کے لالچ نے کام کیا اور یہ ٹوئٹ سب سے زیادہ ری ٹوئٹ ہونے والا ٹوئٹ بن گیا۔ اس وقت تک اس ٹوئٹ کو 5.1 ملین بار ری ٹوئٹ کیا جا چکا ہے۔ ولکرسن کے ٹوئٹ کو آج تک صرف 3.5 ملین بار ری ٹوئٹس کیا گیا ہے۔
[short][show_embed_tweet 3676][/short]
یوساکو جاپان کے سب سے بڑے آن لائن فیشن ریٹیلر زوزو ٹاؤن کے بانی ہیں۔ ان کی دولت کا تخمینہ 2 ارب ڈالر ہے۔ وہ آج ڈائریکٹ میسج سے جیتنے والوں سے رابطہ کریں گے۔تاریخ اشاعت : پیر 7 جنوری 2019