روس نے ہائپر سونک میزائل سسٹم بنا لیا ہے۔ روس کے  حکومتی میڈیا  کا کہنا ہے کہ وزارت دفاع نے ایوان گارڈ(Avangard) کا کامیاب تجربہ کیا ہے۔  یہ بین الابراعظمی میزائل Mach 5 کی رفتار سے سفر کر سکتا ہے۔
حکام کا کہنا ہے کہ انہوں نے قازقستان کے قریب واقع  اورنبرگ  کے علاقے سے اس میزائل کو فائر کیا۔ میزائل نے ہزاروں میل دور کامچاٹکا کے علاقے میں اپنے ہدف کو نشانہ بنایا۔ اس میزائل کا تجربہ روسی صدر پیوٹن کی ہدایات پر کیا گیا ہے۔
روسی سرکاری میڈیا کا دعویٰ ہے کہ یہ میزائل تمام معلوم میزائل دفاعی نظاموں کو بائی پاس کر سکتا ہے۔ اس تجربے کے بعد ایوان گارڈ کو سٹریٹیجک میزائل ٹروپس کے ذریعے 2019 میں فوج کے حوالے کر دیا جائے گا۔

تاریخ اشاعت : بدھ 26 دسمبر 2018