گوگل فوٹوز  کا بیک اپ لینے کے لیے اگر وائی فائی استعمال نہ کیا جا ئے تو کافی موبائل ڈیٹا خرچ ہوتا ہے ۔ گوگل میں اس وقت تک ڈیٹا بیک کےلیے دو آپشن ہی ہیں۔ اوریجنل کوالٹی میں ڈیٹا بیک لینے سے صارف کے کوٹے کی 15 جی بی سٹوریج استعمال ہوتی ہے جبکہ گوگل کی ہائی کوالٹی سٹوریج آپشن کو استعمال کرنے سے لامحدود سٹوریج دستیاب ہوتی ہے۔گوگل اب ایک تیسرے سٹوریج آپشن ”ایکسپریس“ پر بھی کام کر  رہا ہے۔
اس سٹوریج آپشن میں تصویر کا سائز کم ہو کر صرف 3MP رہ جاتا ہےا ور ویڈیو ایس ڈی کوالٹی میں بدل جاتی ہے۔ایک نئی اپ ڈیٹ سے گوگل فوٹوز صارفین ایپلی کیشن کے استعمال کے لیے ڈیٹا کی حد کا تعین بھی کر سکتے ہیں۔ یہ حد 5 ایم بی، 10 ایم بی، 30 ایم بی اور لامحدود ہے۔
ایکسپریس کا آپشن بیک اپ سیٹنگز میں دستیاب ہوگا۔ فی الحال یہ فیچر مخصوص اور محدود صارفین کے لیے جاری کیا گیا ہے۔

تاریخ اشاعت : پیر 3 دسمبر 2018