ایلن مسک نے پہلے بھی مریخ پر جانے کی بات کی تھی لیکن ایک حالیہ انٹرویو میں انہوں نے بتایا ہے کہ ان کے مریخ پر جانے کے 70 فیصد چانس ہیں۔ انہوں نے امید ظاہر کی  کہ  یک طرفہ   سفر سے وہ مریخ پر منتقل ہو سکتے ہیں۔
ایک سوال کےجواب میں انہوں نے کہا کہ یہ کسی طرح فرار نہیں ہے۔ انہوں نے ارنسٹ شکلٹون کے اشتہار کی مثال دی۔ اس اخباری اشتہار میں مہم جو نے قطب جنوبی کی مہم کے لیے  کئی  خطرات  بیان کیے تھے۔
ایلن مسک نے کہا کہ مریخ پر پہنچنے کے بعد آپ کا سارا وقت بیس کیمپ بناتے اور مشکل حالات میں بقا کی جدوجہد کرتے گزرے گا۔ مریخ سے واپسی کے حوالے سے انہوں نے کہا کہ اس کی گارنٹی نہیں دی جا سکتی۔
اس سے پہلے ایلن مسک نے ایک انٹرویو کے دوران بتایا تھا کہ ہو سکتا ہے ان کا 2024ء میں مریخ پر جانے والا سپیس ایکس  کا مشن بغیر انسانوں کے جائے، ابھی تک اس پرواز میں  انسانوں کے جانے یا نہ جانے کا تعین نہیں کیا جا سکا۔

تاریخ اشاعت : پیر 26 نومبر 2018