اگر آپ کو یوٹیوب پر  ویڈیو سے پہلے چلنے والے  اشتہارات  پسند نہیں تو  جلد ہی آپ کو ایک کی بجائے دو اشتہار دیکھنے پڑیں گے لیکن اس کے بدلے آپ کو  ویڈیو میں مزید اشتہارات نظر نہیں آئیں گے۔ اس فیچر کو Ad-pods کا نام دیا گیا ہے۔
اس وقت یوٹیوب ایک اشتہار ویڈیو کے شروع میں اور دوسرا درمیان میں دکھاتا ہے۔ اب یوٹیوب ویڈیوشروع ہونے سے پہلے دو اشتہار دکھائے گا اور  اس طرح آپ  اس کےبعد پوری ویڈیو بغیر اشتہار کے دیکھ سکیں گے۔
یوٹیوب نے ایک بلاگ پوسٹ میں بتایا ہے کہ بہت سے صارفین اشتہارات کے وقفوں کی تعداد سے کافی متاثرہوتے ہیں۔
یاد رہے کہ اشتہارات کے بغیر یوٹیوب پریمیم سروس منتخب ممالک میں دستیاب ہے۔ جبکہ یوٹیوب کے اشتہارات کو خصوصی ایڈبلاکر یا ایپلی کیشن سے بلاک کیا جا سکتا ہے ورنہ صارفین کو اکثر یہ اشتہار برداشت کرنا ہی پڑتے ہیں۔

تاریخ اشاعت : جمعرات 22 نومبر 2018