اس وقت تک انٹل کے مین سٹریم پروسیسر 64 جی بی سے زیادہ ریم کو سپورٹ نہیں کرتے۔ فی الحال یہ کوئی ایسا مسئلہ نہیں جس سے کمپیوٹنگ کی دنیا میں کوئی بحران پیدا ہوجائے لیکن انٹل ابھی سے مستقبل کی ضروریات کو پورا کرنے کےلیے کام کر رہا ہے۔ انٹل نے تصدیق کی ہے کہ انہوں نے 128 جی بی ڈی ڈی آر 4 ریم کو سپورٹ کرنے والے 9 ویں نسل کے کور پروسیسر تیار کر لیے ہیں۔ کمپنی کا کہنا ہے کہ یہ سب نئی اور زیادہ کثیف میموری ٹیکنالوجی کی وجہ سے ممکن ہوا ہے۔ اس نئی ٹیکنالوجی سے فائدہ اٹھانے کے لیے صارفین کو چار DIMM سلاٹ مدر بورڈ استعمال کرنے ہونگے۔ ظاہر ہے 128 جی بی ریم سپورٹ کی حامل یہ کنفگریشن چونکہ نئی ہے، اس لیے کافی مہنگی بھی ہے۔ اس وقت 64 جی بی ریم کنفگریشن کے لیے 550 ڈالر سے زیادہ خرچ ہوتا ہے۔ 128 جی بی ریم کے لیے خرچ 1000 ڈالر سے بھی بڑھنے کی امید ہے۔

تاریخ اشاعت : منگل 16 اکتوبر 2018