ون پلس نے ون پلس ٹی وی لانچ کرنے کا اعلان کر دیا
ون پلس نے اپنے فورم پر سمارٹ ٹی لانچ کرنے کا اعلان کیا ہے۔ ون پلس ٹی وی(OnePlus TV) نامی اس پراڈکٹ کی اہم خصوصیات اس کا پریمیم ڈیزائن، بہترین امیج کوالٹی اور آڈیو کا پرلطف تجربہ ہوگا۔
فورم کی پوسٹ پر اس ٹی وی کے نام اور عمومی خصوصیات کے علاوہ کوئی تفصیل نہیں بتائی گئی۔ یہ سمارٹ ٹی وی ہوگا اور اس میں ہوم آٹومیشن کے فیچر ہونگے۔
یہ ایک اینڈروئیڈ ٹی وی ہو سکتا ہے، جس میں گوگل اسسٹنٹ گھر میں موجود تمام ڈیوائسز کے ساتھ کام کر سکے گا۔
ون پلس کے اس ٹی وی میں ہائی اینڈ فیچرز کو کم قیمت میں پیش کیا جا سکتا ہے۔ ون پلس نے ایسا ہی سمارٹ فون مارکیٹ میں کیا تھا۔ فی الحال تو اس ٹی وی کی قیمت اور ریلیز کے ٹائم کے بارے میں کچھ معلوم نہیں ہوا۔
اس وقت کمپنی OnePlus 6T کی تیاریوں میں مصروف ہے۔ اسے اگلے ماہ متعارف کرایا جائے گا۔ایسے میں اندازہ ہے کہ ون پلس کا سمارٹ ٹی وی 2019 میں ہی مارکیٹ میں فروخت کے لیے پیش کیا جائے گا۔
تاریخ اشاعت : پیر 17 ستمبر 2018