آپ اپنے فون کی ونڈوز ایپ سے اپنے پی سی پر ٹیکسٹ میسج لکھ سکیں گے
ونڈوز ٹیم سمارٹ فون اور کمپیوٹر کے مابین رابطے کو بہتر کرنے کے لیے کام کر رہی ہے جبکہ بہت سی سمارٹ فون بنانے والی کمپنیوں کے فون اور کمپیوٹر کے بیچ منتقلی کےلیے اپنے خصوصی سافٹ وئیرز بھی ہیں۔ مائیکروسافٹ صارفین کے لیے اس سے بھی بہتر اور یونیورسل سلوشن چاہتا ہے۔
ایپ کا جو ورژن اس وقت صارفین کےلیے دستیاب ہے، اس سے صارفین اپنے فون کو یو ایس بی کیبل کی مدد سے کمپیوٹر سے کنکٹ کیے بغیر اپنے فون کی گیلری میں موجود تصاویر کمپیوٹر پر ایک مخصوص فولڈر میں محفوظ کر سکتے ہیں۔
ایپ اپ ڈیٹ سے فون میں لی گئی تصاویر خودکار طور پر کمپیوٹر میں محفوظ ہو جاتی ہے۔ اگر اپ گوگل فوٹوز استعمال کرتے ہیں اور تصویر کی ایک کاپی گوگل کے آن لائن سرور اور دوسری لوکل کمپیوٹر پر محفوظ ہوتی ہے۔
اس میں ایک نیا فیچر فون ایپ کے اندر ہی ایس ایم ایس انٹیگریشن کا ہے۔اس آپشن سے آپ موبائل پر ایس ایم ایس وصول کر سکتے ہیں اور سہولت کے ساتھ کمپیوٹر پر کی بورڈ سے ٹائپ کر کے بھیج سکتے ہیں۔ یہ فیچر ونڈو صارفین تھرڈ پارٹی ٹولز سے ابھی بھی استعمال کر رہے ہیں۔
مائیکروسافٹ کا یہ فیچر فی الحال صرف اینڈروئیڈ ڈیوائسز کے لیے دستیاب ہیں۔ جلد ہی انہیں آئی او ایس ڈیوائسز کے لیے بھی جاری کیا جائے گا۔
ان فیچر کو استعمال کرنے کے لیے صارفین کو پہلے گوگل پلے سٹور سے مائیکروسافٹ ایپ انسٹال کرنی پڑے گی اور اس کی مدد سے ونڈوز میں sync کا پروسس کرنا پڑےگا۔
تاریخ اشاعت : پیر 10 ستمبر 2018