اینڈروئیڈ پائی ڈیوائسز ابھی تک ڈسٹری بیوشن رپورٹ میں جگہ نہ بنا سکی
گوگل نے کئی ماہ کے وقفے کے بعد دوبارہ سے ماہانہ اینڈروئیڈ ڈسٹری بیوشن رپورٹ جاری کرنا شروع دی ہے۔گوگل نے اگست کے آخر میں تازہ ترین اینڈروئیڈ ڈسٹری بیوشن رپورٹ جاری کی ہے۔ رپورٹ کے مطابق اینڈروئیڈ کے پرانے ورژنز کی حامل ڈیوائسز کی تعداد کم اور نئے ورژنز کی زیادہ ہو رہی ہیں۔
رپورٹ کے مطابق پچھلے ماہ کے مقابلے میں اینڈروئیڈ 8.0 اور 8.1 اوریو کی حامل ڈیوائسز میں 2 فیصد اضافہ ہوا ہے۔
یاد رہے کہ گوگل اپنی ڈسٹری رپورٹ میں ایسے ورژنز کی معلومات نہیں دیتا، جن کا مارکیٹ شیئر 0.1 فیصد سے کم ہو۔ اسی وجہ سے اس ماہ ہمیں چارٹ پر اینڈروئیڈ 9.0 پائی نظر نہیں آ رہا۔
ایشنسل پی ایچ-1، سونی ایکسپیریا ایکس زیڈ 3 اور گوگل پکسل فونز میں گوگل کا یہ تازہ ترین ورژن انسٹال ہے ۔اس رپورٹ میں مارش میلو کا مارکیٹ شیئر 23.5 فیصد سے کم ہوکر 22.7 فیصد اور لولی پاپ کا شیئر 20.4 فیصد سے کم ہو کر 19.2 فیصد ہوگیا ہے۔دوسرے تمام ورژنز میں جولائی سے اگست تک کوئی خاص فرق نہیں پڑا۔
تاریخ اشاعت : ہفتہ 1 ستمبر 2018