پینا سونک نے بھارت میں صرف 80 ڈالر میں بجٹ فرینڈلی پی 90 سمارٹ فون لانچ کردیا
پینا سونک نے بھارت میں بجٹ فرینڈلی سمارٹ فون پینا سونک پی 90 متعارف کرا دیا ہے۔یہ انٹری لیول سمارٹ فون ہے، جس میں کواڈ کور 1.25 گیگا ہرٹز پروسیسر کے ساتھ میڈیا ٹیک ایم ٹی کے 6737 ایس او سی، 1 جی بی ریم اور 16 جی بی انٹرنل سٹوریج ہے۔
5 انچ ایچ ڈی ڈسپلے کے حامل اس فون وزن 151.7گرام اور پیمائش 143x71.8x9.3 ملی میٹر ہے۔
اس فون کا فرنٹ اور بیک کیمرہ 5 میگا پکسل کا ہے۔ اوٹی جی اور ڈوئل سم سپورٹڈ ڈیوائس میں اینڈروئیڈ 7.0 نوگٹ انسٹال ہے۔ اس فون کی بیٹری 2400 ایم اے ایچ ہے۔ یہ فون سیاہ، نیلے اور سنہرے رنگ میں دستیاب ہے۔
بھارت میں اس فون کی قیمت 5599 بھارتی روپے یا 80 ڈالر رکھی گئی ہے۔
تاریخ اشاعت : بدھ 20 جون 2018