اب اینڈروئیڈ میسجز کے لیے بھی ویب انٹرفیس متعارف کرا دیا گیا
کچھ ماہ پہلے اطلاعات آئیں تھی کہ گوگل اینڈروئیڈ میسجز کے لیے ویب کلائنٹ پر کام کر رہا ہے۔ آج اس بات کی تصدیق ہوگئی ہے۔ گوگل نے اعلان کیا ہے کہ اینڈروئیڈ کی آفیشل ایس ایم ایس / میسجنگ ایپ ”میسجز“ کے لیے ویب کلائنٹ متعارف کر ا دیا گیا ہے۔کمپنی کا کہنا ہے کہ صارفین اس فیچر کے بارے میں سب سے زیادہ درخواست کر رہے تھے۔
اگلے ہفتے تک یہ فیچر تمام صارفین کے لیے دستیاب ہوگا۔ اس فیچر سے صارفین وٹس ایپ فار ویب کی طرح کمپیوٹر پر ہی براؤزر میںhttps://messages.android.com/ وزٹ کر کے تمام میسجنگ فیچر استعمال کر سکتے ہیں۔
گوگل کا کہنا ہے کہ ویب ورژن میں صارفین ٹیکسٹ کے ساتھ ساتھ سٹیکرز، ایموجیز اور تصاویر بھی بھیج سکتے ہیں۔
گوگل نے ویب ورژن کے علاوہ میسجز ایپ میں کچھ نئے فیچر جیسے لنک پریویو، سمارٹ رپلائی، او ٹی پیز کاپی کرنا اور جف تلاش کرنا، بھی شامل کیے ہیں۔
تاریخ اشاعت : منگل 19 جون 2018