پنسلوینیا  کے ایک مڈل سکول نے اپنی کلاسیں  اس وقت منسوخ کر دیں جب سکول کے اندر سے ملنے والے طالب علم نے بتایا کہ وہ نیند میں چلتے ہوئے یہاں آیا ہے۔
سٹیٹ پولیس کا کہنا ہےکہ ساتویں گریڈ کے ایک طالب علم نے  911 پر رات کے تقریباً ڈھائی بجے کال کی اور انہیں بتایا کہ وہ ہیمپفیلڈ ٹاؤن شپ میں  ونڈوور مڈل  سکول کے اندر ہے۔
طالب علم نے حکام کو بتایا کہ وہ نیند میں چلتا ہے، اس کی آنکھ کھلی تو اس نے  خود کو سکول کے اندر پایا۔

پولیس کا کہنا ہے کہ طالب علم کھڑکی کے راستے سکول میں داخل ہوا تھا اور 15 منٹ تک سکول میں گھومتا رہا تھا۔پولیس نے بتایا کہ یہ طالب علم سکول سے 4 میل کے فاصلے پر رہتا ہے۔  انتظامیہ نے اس کے بعد سیکورٹی کےخدشات کے پیش نظر کلاسیں منسوخ کر دیں ہیں۔ انتظامیہ کا کہنا ہے کہ اس واقعے کا  پچھلےہفتے پیش آنے والے اُس واقعے سے کوئی تعلق نہیں جس میں ایک دوسرے طالب علم کو  ایک   لڑکی کو  گولی مارنے کی دھمکی دینے کے بعد گرفتار کیا گیا تھا۔

تاریخ اشاعت : اتوار 25 فروری 2018