ماسکو : : وزیرخارجہ پاکستان خواجہ آصف نے کہا ہے کہ افغانستان میں داعش کوروکنے کیلئے روس اور پاکستان ہم خیال ہیں، افغانستان میں موجود دہشتگرد دونوں ممالک کیلئے خطرہ ہیں، کسی اور کی جنگ اپنی سرزمین پرنہیں لڑسکتے،روس کے ساتھ تجارتی اور دفاعی تعلقات بڑھانا چاہتا ہے۔انہوں نے ماسکو میں روسی ہم منصب کے ہمراہ پریس کانفرنس کرتے ہوئے کہا کہ افغانستان کا مسئلہ جنگ سے نہیں بات چیت سے حل ہوگا۔ افغانستان میں موجود دہشتگرد دونوں ممالک کیلئے خطرہ ہیں۔افغانستان میں داعش کوروکنے کیلئے روس اور پاکستان ہم خیال ہیں۔ کسی اور کی جنگ اپنی سرزمین پرنہیں لڑسکتے۔انہوں نے کہاکہ پاکستان خطے میں امن کاخواہاں ہے۔بین الاقوامی امن کیلئے روس کا کردار اہم ہے۔ انہوں نے کہاکہ پاکستان روس کے ساتھ تجارتی اور دفاعی تعلقات بڑھانا چاہتا ہے۔خواجہ آصف نے کہاکہ پاکستان نے دہشتگردی کے خلاف جنگ میں بے شمار قربانیاں دیں۔پاکستان دہشتگردی کیخلاف جنگ میں سب سے زیادہ متاثر ہوا لیکن اس کے باوجود پاکستان دہشتگردی کیخلاف جنگ میں پیچھے نہیں ہٹا۔انہوں نے کہاکہ افغانستان میں موجود دہشتگرددونوں ممالک کیلئے خطرہ ہیں۔افغانستان میں داعش کوروکنے کیلئے روس اور پاکستان ہم خیال ہیں۔انہوں نے کہاکہ ایس سی او کی ممبرشپ کیلئے روس کی حمایت کا شکریہ ادا کرتے ہیں۔اس موقع پرروسی وزیرخارجہ نے پاکستان کے ساتھ تجارتی اور دفاعی تعلقات بڑھانے کے عزم کااعادہ کیا۔

تاریخ اشاعت : منگل 20 فروری 2018