Amazing Wide And Nine Balls In The Bangladesh Premier League
Suspicion Of Fixing Began To Appear On Social Media

بنگلہ دیش پریمیئر لیگ میں حیران کن وائیڈ اور نو بالز

سوشل میڈیا میں فکسنگ کا شبہ ظاہر کیا جانے لگا

ڈھاکا : بنگلہ دیش پریمیئر لیگ میں حیران کن واقعہ پیش آیا جس پر سوشل میڈیا میں فکسنگ کا شبہ ظاہر کیا جارہا ہے۔ سلہٹ تھنڈرز کی نمائندگی کرنے والے ویسٹ انڈین فاسٹ باﺅلر کرشمار سنٹوکی کی دو گیندوں نے سوالات اٹھادیے۔ انہوں نے پہلے چٹوگرام چیلنجرز کے اویشکا فرنینڈو کو گیند کرائی جو غیرمعمولی حد تک وائیڈ تھی، وکٹ کیپر ڈائیو لگانے کے باوجودگیند نہ پکڑسکا اور وہ باﺅنڈری لائن پار کرگئی۔
ایک گیند بعد انہوں نے نوبال پھینکی ان کا پیر کریز سے واضح طور پر لگ بھگ ایک میٹر باہر تھا۔ اس موقع پر کمنٹیٹر بھی حیران تھے کہ کس طرح اس قدر بڑی نوبال ہوسکتی ہے۔یاد رہے کہ بنگلہ دیش پریمیئر لیگ اس سے قبل بھی فکسنگ کے الزامات کی زد میں رہی ہے اور سوشل میڈیا پر اس واقعے کے بعد لیگ میں سپاٹ فکسنگ کا شبہ ظاہر کیا جانے لگا ہے ۔
                                                                                                                                                                                

تاریخ اشاعت : جمعہ 13 دسمبر 2019

Share On Whatsapp