Unusual Fish Can Create Entirely New Species When It Has Sex

ایک غیر معمولی مچھلی غلط ساتھی چُن لے تو بچے مکمل طور پر نئی نسل کے ہوتے ہیں

ایک غیر معمولی مچھلی  اگر غلط ساتھی کا انتخاب کر لے تو اس کے بچے بالکل نئی نسل   کے ہوتے ہیں۔ سیچلڈ ، افریقا کی تازہ پانی کی  جھیلوں میں رہنے والی ایک رنگین مچھلی ہے۔ یہ مچھلی  نسل بڑھانے کے لیے کبھی کبھار غلط ساتھی کا انتخاب کر لیتی ہے۔
نیچر کمیونی کیشنز میں شائع ہونے و الی ایک دس سالہ تحقیق ، جو دو جھیلوں پر کی گئی،  کے مطابق  اس نسل کی مادہ مچھلیاں اپنی آبادی میں حادثاتی طور پر نئے جین متعارف کراتی ہیں۔


یونیورسٹی آف کیمبرج کی ایولوشنری بائیولوجسٹ جوانا میئر کا کہنا ہے کہ جب یہ جھیلیں بنی تو ان کا پانی گدلا ہوتا تھا۔ ایسے میں یہ مادہ مچھلیاں رنگوں کو ٹھیک سے نہیں دیکھ سکتی تھیں۔ اسی لیے وہ نئے ماحول میں نسل بڑھانے کے لیے ساتھی کا انتخاب کرنے میں احتیاط نہیں کر پائیں ۔
جوانا کی سرکردگی میں تحقیق کرنے والے سائنسدانوں کا کہنا ہے کہ    اپنی  تحقیق کے دوران انہوں نے جھیل میں سچلڈ کی 40 نئی انواع دریافت کی ہیں۔جوانا کا کہنا ہے کہ نئی نسلوں میں سچلڈ اور نر مچھلیوں، دونوں کے خواص ہوتے ہیں۔
سچلڈ کی معلوم اقسام کی تعداد 1300 سے زائد ہے۔ اس تحقیق سے ایسی نئی انواع کے بارے میں بھی معلوم ہوا ہے، جن کے بارے میں ہم پہلے نہیں جانتے تھے۔

تاریخ اشاعت : ہفتہ 7 دسمبر 2019

Share On Whatsapp
سب سے زیادہ پڑھی جانے والی خبریں