Banana Duct Taped To Wall Sells For $120,000 At Florida Gallery

فلوریڈا کی گیلری میں ڈکٹ ٹیپ سے دیوار پر لگا کیلا 1 لاکھ 20 ہزار ڈالر میں فروخت ہوگیا

فلوریڈا کی ایک گیلری سے فن کا ایک  نمونہ 1 لاکھ 20 ہزار ڈالر میں فروخت ہوا ہے۔فن کا یہ نمونہ اصل میں ایک کیلا تھا، جسے ڈکٹ ٹیپ سے دیوار سے لگایا گیا تھا۔
اطالوی آرٹسٹ ماؤریزیو کیٹلن    کے فن کا ایک نمونہ ڈکٹ ٹیپ سے دیوار پر لگایا ہوا کیلا بھی ہے۔ اس فن پارے کا نام دی کامیڈین ہے۔ماہرین کا کہنا ہے کہ اس کے ساتھ کا دوسرا فن پارہ بھی  1 لاکھ20 ہزار ڈالر میں فروخت ہو سکتا ہے۔


آرٹ گیلری کے مالک ایمانوئل پیروٹن نے بتایا کہ اس طرح کا ایک اور فن پارہ بھی فروخت کے لیے پیش کیا جا چکا ہے، جس کی قیمت 1 لاکھ 50 ہزار ڈالر ہوگی۔پہلے پیش کیے گئے فن کے پاروں کو فرانس کے ایک شخص نے خریدا ہے۔
دلچسپ بات یہ ہے کہ جب تک یہ فن پارہ یعنی کیلا دیوار سے لٹکا رہا، لوگ اس کے ساتھ سیلفی بناتے رہے۔ حکام کو یقین تھا کہ کم قیمت ہونے کی وجہ سے یہ چوری نہیں ہوسکتا۔ لیکن پھر یہ فن پارہ  1 لاکھ 20 ہزار ڈالر میں فروخت ہوگیا۔

تاریخ اشاعت : جمعہ 6 دسمبر 2019

Share On Whatsapp
سب سے زیادہ پڑھی جانے والی خبریں