Man, 64, Travels Country With Doll As Companion

64 سالہ چینی شخص نے تنہائی سے بچنے کے لیے ایک گڈے کو اپنا بیٹا بنا لیا

ایک 64 سالہ تنہا چینی شخص   نے اپنی تنہائی کو ختم کرنے کا انوکھا حل نکالا ہے۔ انہوں نے  اپنی تنہائی دور کرنے کے لیے ایک گڈے کو اپنا بیٹا اور اپنے  سفر کا ساتھی بنا لیا ہے۔ وہ اس گڈے کے ساتھ ملک بھر کے حسین مقامات پر نظر آ رہے ہیں اور اسی وجہ سے سوشل میڈیا پر بھی کافی وائرل ہو گئے ہیں۔

جنوبی چین کے صوبے گوانگڈونگ  کے شینزن شہر سے تعلق رکھنے والے  ٹینگ  کے گڈے کا  نام شیاؤیان ہے۔

ٹینگ شیاؤیان کو اپنے بچوں کی طرح سمجھتے ہیں۔ٹینگ نے بتایا کہ انہوں نے شیاؤیان کے لیے  کپڑوں کے 20 جوڑے خود بنائے ہیں، وہ موسم کے مطابق شیاؤیان کے  کپڑے تبدیل کرتے رہتے ہیں۔ٹینگ نے بتایا کہ وہ صرف ٹوائلٹ جاتے یا نہاتے ہوئے شیاؤیان کو خود سے جدا کرتے ہیں، اس کے سوا  شیاؤیان ہر وقت ٹینگ کے ساتھ ہوتا ہے۔

سوشل میڈیا پر ٹینگ کی ویڈیو شیئر ہو رہی  ہے، جس میں انہیں وسطی چین کے صوبے ہینان کے پُرفضا مقام پر شیاؤیان کے ساتھ دکھایا گیا ہے۔

ٹینگ نے بتایا کہ انہیں شیاؤیان کی  تصویریں بنانا بھی پسند ہے۔ کئی بار وہ اس کی ایک وقت میں 1000 سے زیادہ تصاویر بھی بنا لیتے ہیں۔

انہوں نے بتایا کہ اُن کی بیٹی شیاؤیان کو اپنا بھائی اور نواسی انکل کہتی ہے۔انہوں نے بتایا کہ  اب شیاؤیان اُن کی روحانی سپورٹ ہے۔شیاؤیان، ٹینگ کے دوستوں میں بھی کافی مقبول ہے۔ٹینگ جب بھی  شیاؤیان کی تصویریں پوسٹ کرتے ہیں، اُن کےدوست  تصویروں کو کافی پسند کرتے ہیں۔وائرل ویڈیو میں ٹینگ کو  مسکراتے دیکھا جا سکتا ہے لیکن سوشل میڈیا صارفین کا کہنا ہے کہ  وہ ٹینگ کی خوشی کے پیچھے چھپی تنہائی کو  دیکھ سکتے ہیں۔

تاریخ اشاعت : ہفتہ 16 نومبر 2019

Share On Whatsapp
سب سے زیادہ پڑھی جانے والی خبریں