150 Foreign Cricketers Have Agreed To Play PSL5
A Selection Of Players For The Event Will Be Held In Lahore On December 6

150 غیرملکی کرکٹرز نے پی ایس ایل5 کھیلنے کی حامی بھر لی

ایونٹ کے لیے کھلاڑیوں کے چناﺅکی تقریب 6 دسمبر کو لاہور میں ہوگی

لاہور : پاکستان سپرلیگ 2020 ءکے لیے اب تک 150غیر ملکی کرکٹرز نے کھیلنے کی حامی بھرلی۔ذرائع کے مطابق کرکٹرز کی انٹرنیشنل مصروفیات کے باوجود پی سی بی کو یقین ہے کہ بڑے بڑے نام اس بار بھی پی ایس ایل کھیلنے ضرور آئیں گے۔ایک جانب پی سی بی نے غیر ملکی کھلاڑیوں کی رجسٹریشن شروع کردی ہے اور دوسری جانب پی ایس ایل 5کے لیے پاکستان آنے کے خواہاں غیر ملکی کھلاڑیوں کے ساتھ معاہدے کیے جارہے ہیں ۔
کرکٹ بورڈ کو امید ہے کہ بیشتر غیر ملکی کھلاڑی پاکستان میں مکمل پی ایس ایل کھیلنے کے لیے تیار ہوں گے ۔کھلاڑیوں کے چناﺅکی تقریب 6 دسمبر کو لاہور میں ہوگی۔سابق جنوبی افریقی کپتان اے بی ڈی ویلیئرز اس بار پاکستان سپرلیگ کا حصہ نہیں ہوں گے، وہ پہلے ہی معذرت کرچکے ہیں۔پی سی بی نے پاکستان سپرلیگ 5 کے تمام میچز ملک میں کرانے کا اعلان کررکھاہے، جو اگلے سال20فروری سے22مارچ کے دوران ملتان، لاہور، کراچی اور راولپنڈی کے کرکٹ سٹیڈیمز میں کھیلے جائیں گے۔                                                                                                                                                                                

تاریخ اشاعت : ہفتہ 9 نومبر 2019

Share On Whatsapp