ایران میں شدید زلزلہ، پانچ افراد ہلاک،درجنوں گھر مٹی کا ڈھیر بن گئے

زلزلے کے بعد متعدد آفٹر شاکس ،امدادی کارروائیا ں جاری،زلزلے کی گہرائی 10 کلو میٹر زیرزمین تھی،زلزلہ پیما مرکز

تہران : ایران کے شہر تبریز میں جمعہ کی صبح شدید زلزلہ آیا ہے جس کے نتیجے میں پانچ افراد ہلاک اور 120 زخمی ہو گئے، زلزلے سے عمارتوں کو بھی نقصان پہنچا ہے۔غیرملکی خبررساں ادارے کے مطابق زلزلہ پیما مرکز نے کہاکہ ریکٹر اسکیل پر زلزلے کی شدت 5.9 ریکارڈ کی گئی، زلزلے کے بعد متعدد آفٹر شاکس بھی محسوس کیے گئے ہیں جن کا سلسلہ جاری ہے۔امریکی جیولیوجیکل سروے کے مطابق زلزلے کے جھٹکے ایران کے شمال مغربی شہر تبریز میں محسوس کیے گئے، زلزلے کی گہرائی 10 کلو میٹر زیرزمین تھی۔صوبائی گورنر کے مطابق زلزلے سے کم از کم 30 گھر تباہ ہوئے ، زلزلے سے متاثرہ مقام کی جانب امدادی ٹیمیں روانہ کر دی گئیں۔

تاریخ اشاعت : جمعہ 8 نومبر 2019

Share On Whatsapp