Long-lost Painting Found In Woman's Kitchen Fetches $26.8 Million

خاتون کے باورچی خانے سے ملنے والے گمشدہ تصویر چار ارب روپے میں فروخت ہو گئی

فرانس سے تعلق رکھنے والی ایک بوڑھی خاتون کے باورچی خانے سے ملنے والی 13 صدی کی  ایک تصویر نیلامی میں 26.8 ملین ڈالر یا تقریباً 4 ارب 15 کروڑ روپے میں فروخت ہوئی ہے۔

دس ضرب آٹھ انچ کی اس تصویر Christ Mocked by Florentine کو اطالوی مصور چیمابوئی عرف چینی ڈی پیپو نے بنایا تھا۔ ماہرین نے اس تصویر کے اصل ہونے کی تصدیق کی ہے۔ خاتون نے یہ تصویر اپنے باورچی خانے میں لگائی ہوئی تھی۔

اس سال کے شروع میں انہوں نے اس کی قیمت لگوانے کا فیصلہ کیا تھا۔

فن کے ماہر جیروم مونٹکوئیکوئل کا کہنا ہے کہ انہیں یہ تصویر دیکھتے ہی معلوم ہوگیا تھا کہ یہ تصویر اطالوی مصور چیمابوئی کی تخلیق ہے۔ انہوں نے بتایا کہ چیمابوئی بابائے مصوری ہیں، اس لیے وہ ان کے کام کو اچھی پہنچانتے ہیں۔ 

نیلامی میں یہ تصویر اندازے سے چار گنا زیادہ قیمت یعنی 26.8 ملین ڈالر میں فروخت ہوئی۔

جیروم نے بتایا کہ چیمابوئی کی دنیا میں صرف 11 تصویریں ہیں۔ وہ بہت نایاب ہیں۔

تاریخ اشاعت : ہفتہ 2 نومبر 2019

Share On Whatsapp
سب سے زیادہ پڑھی جانے والی خبریں