Dog Hit By Car Survives 45-minute Drive Trapped Inside Bumper

گاڑی سے ٹکرانے والا کتا بمپر میں پھنس کر ڈرائیونگ کے 45 منٹ بعد بھی زندہ رہا

نیویارک سٹیٹ کے ایک کتے کو ایک کار نے ٹکر ماری تو کتا گاڑی کے نیچے آنے کی بجائے اس کے بمپر  اور فرنٹ گِرل کے بیچ میں پھنس گیا۔ حیرت انگیز طور پر یہ کتا کار کے سفر کے 45 منٹ بعد بھی زندہ رہا۔

روٹر ڈام  پولیس کا کہنا ہے کہ البانے میں کوکو نامی کتے  کو ایک  کار نے ٹکر ماری۔ کار کی ڈرائیو نے گاڑی سے باہر نکل کر دیکھا تو انہیں    معمولی نقصان نظر آیا جبکہ بمبپر میں پھنسے کتے کو وہ نہ دیکھ سکیں۔

اس کے بعد وہ 45 منٹ تک گاڑی  کو ڈرائیو کر کے روٹرڈام لے آئیں تو یہاں انہیں بمپر کے  ساتھ پھنسا ہوا چھوٹا کتا نظر آگیا۔

روٹرڈام پولیس کے لیفٹیننٹ جیفرے کولنز کا کہنا ہے کہ  اُن کے افسروں نے بمپر کو دبایا تو کتا باہر نکل آیا۔کوکو کی مالک کیتھلین ڈیوس نے بتایا کہ کوکو باڑ کو پھلانگ کر باہر چلا گیا تھا۔ڈیوس نے بتایا کہ کوکو کی ہڈیاں ٹوٹ چکی تھی، اب وہ 4 ہزار ڈالر جمع کرنے کی کوشش کر رہی ہیں تاکہ کوکو  کی سرجری کا بل ادا کیا جا سکے۔جانوروں کے ڈاکٹروں کا کہنا ہے کوکو کی صحت تیزی سے بہتر ہو رہی ہے۔

تاریخ اشاعت : بدھ 30 اکتوبر 2019

Share On Whatsapp
سب سے زیادہ پڑھی جانے والی خبریں