Hong Kong Parking Space Sells For Nearly $1 Million

ہانگ کانگ میں پارکنگ کی جگہ کی قیمت پندرہ کروڑ روپے

ہانگ کانگ کے ایک کاروباری شخص نے ایک گاڑی کے لیے  دنیا کی مہنگی ترین پارکنگ کی جگہ خریدی ہے۔ انہوں نے ایک گاڑی کی پارکنگ کی جگہ کے 9 لاکھ 69 ہزار ڈالر ادا کیے ہیں۔

جونی چیونگ  کے پاس ہانگ کانگ کے 79 منزلہ  آفس ٹاور دی سنٹر   کے سامنے پارکنگ کی چار جگہیں تھیں۔ اس سے پہلے  وہ تین جگہیں بھی لاکھوں ڈالر میں فروخت کر چکے ہیں لیکن انہیں  چوتھی جگہ کے سب سے زیادہ یعنی 9 لاکھ 69 ہزار ڈالر ملے  ہیں۔

جونی نے اس مہنگی ترین پارکنگ کی جگہ خریدنے والے کا نام نہیں بتایا لیکن ظاہر ہے  کہ اس جگہ کو خریدنے والے کا دفتر اسی ٹاور میں ہوگا۔

اس سے پہلے  2018 میں ہانگ کانگ میں کولون لگژری اپارٹمنٹس کے سامنے  7 لاکھ 60 ہزار ڈالر میں ایک پارکنگ  فروخت ہوئی تھی۔  اب فروخت ہونے والی پارکنگ بلاشبہ دنیا کی سب سے مہنگی پارکنگ ہے۔ یہ ہانگ کانگ میں ایک گھر کی اوسط قیمت سے 3 گنا زیادہ قیمتی ہے۔

تاریخ اشاعت : پیر 28 اکتوبر 2019

Share On Whatsapp
سب سے زیادہ پڑھی جانے والی خبریں