Stranger Uses Bank Transfers To Return Man's Lost Wallet

اجنبی شخص نے گمشدہ بٹوا واپس کرنے کے لیے بنک سے رقم منتقل کر کے پتا معلوم کر لیا

ایک برطانوی شخص کا بٹوہ  کام  پر سے گھر آتے ہوئے گم ہوگیا تو انہیں اس کے واپس ملنے کی بالکل بھی امید نہیں تھی کیونکہ بٹوے میں ایسا کوئی کاغذ نہیں تھا، جس سے اُن  کی شناخت ہوتی۔ لیکن ایک چالاک شخص نے اس کے باوجود انہیں  بٹوا واپس پہنچا دیا۔
ٹم کیمرون کا کہنا ہے کہ ان کے بٹوے میں بہت زیادہ  معلومات نہیں تھی لیکن اجنبی شخص نے بٹوے میں ملنے والے بنک اکاؤنٹ نمبر سے ہی مالک کا پتا چلانے کا فیصلہ کیا۔


ٹم نے ٹوئٹر پر اپنے اکاؤنٹ کے سکرین شاٹ شیئر کیے ہیں، جن میں دکھایا گیا ہے کہ اجنبی شخص نے اُن کے اکاؤنٹ میں 0.01 ڈالر کی رقم منتقل کی  اور اس کے ساتھ ہی میمو لائن میں ٹم کے لیے پیغام لکھنا شروع کر دیا۔ میمو لائن میں چونکہ محدود الفاظ لکھے جا سکتے ہیں، اس لیے اجنبی شخص نے 0.01 ڈالر کی کئی ٹرانزایکشن کی اور ٹم کو میمولائنز کی مدد سے بتا دیا کہ گمشدہ بٹوا مل چکا ہے۔جلد ہی دونوں کے بیچ فون  نمبروں کا تبادلہ ہوا اور یوں  ٹم کو ان کا بٹوا مل گیا۔ ٹم کا کہنا ہے کہ اُ ن کے بٹوے میں موجود ہر چیز  ایسے تھی، جسے اسے کسی نے نہ چھوا ہو۔

تاریخ اشاعت : جمعرات 24 اکتوبر 2019

Share On Whatsapp
سب سے زیادہ پڑھی جانے والی خبریں